周柏豪三場處男演唱會前晚順利完成，好友余文樂和文詠珊（JM）神秘踩場做嘉賓掀高潮，張敬軒亦大灑鹽花給柏豪送黑咪，預祝他登上一線歌手地位！
軒仔送咪給柏豪，還即場教他「戴套」。周柏豪與任嘉賓的官恩娜合唱，相當有默契。
「PAKHO IMPERFECT LIVE 2012」前晚在Star Hall舉行尾場，多位圈中好友楊愛瑾、董敏莉、HotCha及馮允謙等來捧場。當中好友余文樂和JM先後神秘踩台，當柏豪在台上演繹余文樂的《生還者》時，阿樂突然現身「插聲」合唱，令柏豪和觀眾也驚喜萬分，柏豪笑罵工作人員是「騙子」，令他被蒙在鼓裏。
怕瘀拒絕送吻
阿樂笑言：「我話要升降台升上嚟，我咁大個仔都未試過。知你唱我首歌，咁我又唱囉，反正我好耐冇唱過！」阿樂稱看着柏豪成長，更看好柏豪2013年紅館開騷。個唱尾聲時，當晚生日的JM上台獻花，嚇得柏豪說：「我暈啦。」JM稱14歲已識柏豪，台下有人大叫柏豪咀JM，他笑謂：「你估結婚咩！」台下繼續嗌「咀嘴」，他謂：「唔好挑戰我，我好Hyper，Don't "Big"Me！我乜都做得出。」在旁的JM即派檸檬：「咁容易呀！」之後JM在後台獲柏豪送上生日蛋糕，令她又驚又喜。
周柏豪只與JM擁抱，不敢錫錫，而JM則在後台收到生日蛋糕。
目標開紅館騷
至於前晚任嘉賓的張敬軒、連詩雅及官恩娜先後上台獻唱，軒仔不失搞笑指羨慕嘉賓鄭融摸他腹肌，柏豪稱他都可以，軒仔謂：「唔好啦，一陣又變咗我同性密友。」一向言之「有味」的軒仔稱男歌手最緊要「一支嘢」，即在外套內拿了一支「黑咪」送柏豪，並說咪要戴套，柏豪搞鬼答：「啱嘅安全啲，成日攞出攞入費事花，但我唔識套喎！」引來全場爆笑。而軒仔預祝柏豪：「用呢個牌子嘅咪都會成為一線男歌手o架。」
由於是晚柏豪的兩位緋聞女友連詩雅及鍾浠文也繼續任嘉賓，個唱結束後，問到柏豪是否因女友在台下故不敢吻JM？柏豪笑言：「唔關事，如果我錫落去佢縮開，我咪好瘀？」柏豪又謂有信心能在今年於紅館開騷。
文：音樂組
From:
http://orientaldaily.on.c ... /00282_024.html
