無綫藝員王君馨與翟威廉昨日到荃灣出席聖誕活動，王君馨透露今個月接了四個騷，加上連日為劇隻《法網囂雄》拍通宵戲，非常忙碌。她笑言去年聖誕放假時，擔心沒有工作，故現時再忙也不怕辛苦。提到聖誕在蘭桂坊拍攝《法》劇外景，她說：「嗰日鬧咗單立文四個鐘，係戲裏面鬧得最激嘅一場，我要澄清嗰日拉開件衫鬧佢，裏面唔係着泳衣，只係跳舞衫嚟。」
翟威廉、王君馨與工作人員細心布置聖誕樹。王君馨與翟威廉寧願聖誕冇假放，搵真銀最實際。
提到亞視近期炒「逃學」藝員，曾參加亞洲先生的翟威廉表示自己是藝人，不是做行政工作，亦由於不是亞視員工，故沒資格給意見。問可慶幸一早離開亞視？他說：「呢啲機緣嚟，塞翁失馬，焉知非福，未到最後都唔知結果，大家加油啦！」
From:
http://orientaldaily.on.c ... /00282_027.html
