無綫近年嘅劇集，對於底線方面已經開放咗好多，雖然徐子珊喺《雷霆掃毒》嘅一秒強姦被人詬病，但好多劇集仍出現敏感暴露鏡頭。就講新劇《法網狙擊》劇情愈玩愈激，講飾演富婆嘅陳煒要色誘律師郭政鴻，着住三點式喺遊艇上同郭政鴻激咀加牀戰，兩個啜到面都凹埋，非常給力。
《法網狙擊》除咗熟口熟面嘅謝天華、楊怡、陳敏之外，新鮮人仲有第一次拍劇嘅森美。森美更為此劇減肥十幾磅，如此苦心，難怪可以力壓王浩信升呢為第二男主角。
陳煒由亞視過檔無綫，雖冇萬綺雯咁好運，可以孭飛做第一女主角，但佢嘅機會都唔少噃，無綫已先後安排其拍《金枝慾孽2》、《法網狙擊》，最近又接拍《神槍狙擊2013》。但無綫花旦眾多，陳煒要突圍做一姐嘅話，真係出少一分力都唔得。今次佢喺劇入面飾演富可敵國嘅龐鐵心，先後同謝天華及郭政鴻有感情線。尤其佢同郭政鴻更有連場激咀，真係搏到盡。
郭政鴻先喺《師奶兵團》同着住三點式嘅陳法拉推油（小圖），喺《法》入面，又俾同樣着比堅尼嘅陳煒攬住啜爆，認真好艷福。38歲嘅陳煒，有波有籮，身材依然fit到爆。
陳法拉一推成名。
對於《法》劇內容，唔好期望有《雷霆掃毒》嘅刺激場面出現，反而是類似「中女宅男」式愛情劇多啲。
劇中飾演律師嘅謝天華同刑事檢控官楊怡原本同居關係，但一次求婚不遂令兩人分手收場。之後謝亦轉職刑事檢控官，與不同辦案手法嘅楊怡時有拗撬，加上性感秘書王君馨嘅介入，兩人關係更如水火。
而被謝天華老竇收養嘅孤兒森美，為重案組探員，喺一次行動中遇到臥底探員陳敏之後，即展開追求。於是劇中不時出現男追女、女追男情節。直到陳煒牽涉一宗謀殺案，先將呢班男女拉番埋一齊經歷艱鉅嘅一役。
森美勇救王浩信飾演重案組探員嘅森美，勇救投資失利，要跳橋自殺嘅王浩信。事實上森美同王浩信都有畏高症，所以拍攝時，全程要吊威吔（小圖）。
吊足七粒鐘
高Ling胸頂唯唯
俾高海寧胸壓嘅梁烈唯，應該係郭政鴻外，另一個嗌爽之人。劇中謝天華鬧市向楊怡求婚一幕，喺幕前睇好浪漫，事實上呢幕拍咗好多take，因為成日俾警察趕（小圖），都好瘀吓㗎！
大街大巷求婚
飾演探員嘅陳敏之，誤會同為重案組探員嘅鄧梓峰係鹹濕佬，亂棍扑之。
陳敏之遭胸襲
陳敏之做臥底查娛樂圈風化案，卻受到查案嘅森美胸襲。角色關係分析
