發新話題 Report thanks

周海媚海味梁政珏素顏鬥殘

海味曾經都係五台山靚女,但家一唔化妝就唔掂,佢仲要眼睥睥咁,真係嚇親人。

周海媚海味梁政珏素顏鬥殘圖片1周海媚海味梁政珏素顏鬥殘圖片2

【銅鑼灣、旺角】聖誕節就到,啲人都開始四出搜購禮物送禮,前日周海媚(海味)同新晉性感女神梁政珏分別去咗銅鑼灣同旺角買禮物,冇化妝以殘樣現身嘅兩女,喺條街度行居然冇乜人認得。

周海媚海味梁政珏素顏鬥殘圖片3周海媚海味梁政珏素顏鬥殘圖片4

【豪爽掃貨】
前晚7點鐘左右,見到46歲嘅海味戴住眼鏡素顏挽住兩袋聖誕禮物喺銅鑼灣行街,喺附近睇咗一輪櫥窗之後,就入咗名牌店Bottega Veneta(BV),入到去就有兩個職員招呼,佢放低手上兩袋禮物換咗兩袋BV,相信係事先買落。當佢去到的士站發現有記者影相,海味就好避忌咁不停避鏡頭,直到上咗車都一路左望右望。

行街冇人認得
至於近日以透奶成功上位,成為性感女神嘅27歲梁政珏,前晚亦素顏同一名女性友人現身旺角波鞋街。載帽冇露肉加上面上嘅暗瘡,梁政珏行喺街可以話完全引唔起人注意,佢好專心咁睇鞋,見佢精挑細選花咗15分鐘卒之揀到款男裝New Balance嘅運動鞋,睇嚟係男朋友嘅聖誕禮物。當佢行去畀錢嘅時候,一名男fans卒之發現呢位女神。不過從佢嘅表情睇嚟,似乎唔係好接受女神冇化妝嘅原貌,位男fans有幾接受唔到?睇佢O晒嘴嘅表情就知啦!

周海媚海味梁政珏素顏鬥殘圖片5周海媚海味梁政珏素顏鬥殘圖片6
戴帽的梁政珏怕人認出,專登背着門口試鞋。

TOP

thanks