早前內地傳媒忽然爆出一單料，話長駐內地發展嘅周海媚(海味)，於去年9月在其位於北京順義區租住單位疑因用電不慎，將間屋燒燬。業主劉先生向傳媒爆料指海味於事發之後唔賠償不特止，仲馬上搬走兼且潛水，拖欠房租已達半年。(新聞連結:
http://bit.ly/1rXtpvx)。
今年7月左右，再有內地報導跟進此事，指海味一方認為失火嘅住宅係違章建築，反而要求業主賠償。亦有指海味嘅代表律師指今次失火係因為電線老化所致，故代表海味要求業主退還訂金同剩餘租金，並需要賠償海味嘅損失；但業主反稱起火係因為海味不正確使用電器所致，與電線老化無關。
前日下午，海味現身北京出席綜藝騷《星球大戰》宣傳活動，被問及租嗰間屋失火遭業主索償及追討欠租一事，海味只係話交俾律師處理，會循法律途徑解決。睇怕今次真係有排搞。未知是否官司煩心，只見47歲嘅海味，冇咗美圖秀秀幫手，真人現身，似是有點憔悴同發福，玉手唔知係水腫定真係肥咗，粗壯咗唔少……。
from:
http://hk.apple.nextmedia ... 140912/18863394
