原定頂替被炒魷的吳綺莉，到商台主持節目《一圈圈》的黎芷珊，日前突然改口風，以「timing唔啱」為理由，拒為商台開咪。據知，芷珊在簽約前夕，被無綫兩大巨頭余詠珊及樂易玲車輪轉又兇又氹，為免得罪無綫兼失落十拿九穩的「最佳節目主持」獎，黎芷珊逼住放棄商台的六萬月薪外快，繼續效忠無綫。
見財化水因為主持《最佳男主角》人氣急升的黎芷珊，日前突然表示不會頂替吳綺莉，到商台主持《一圈圈》節目，原來背後有兩大高層出手阻止。「其實芷珊已經決定簽約，事關人工有六萬，開咪時間唔長，又可以做到無綫嘅嘢，不過樂小姐同Sandy（余詠珊）喺佢落筆前輪流做嘢，話芷珊有今日都係無綫捧出嚟，無理由呢個時候走去商台幫陳志雲。樂小姐又話吳綺莉係無綫人，商台唔俾面炒咗佢，覺得芷珊應該撐自己友，之後仲明示暗示只有自己友先有獎攞。做咗咁多年，芷珊梗係想喺台慶頒獎禮，攞到獎對自己有交代。」知情者說。十月推出訪問節目《最佳男主角》，黎芷珊碌盡人情卡搵來多年老友謝霆鋒、古天樂等男星在節目爆料，收視高開有口碑，連帶她今年亦大豐收，以大熱身份角逐「最佳節目主持」及「最佳綜藝節目」。
條路無得揀啦！東華記招當日，樂易玲故意拉被商台炒的吳綺莉同黎芷珊影「合照」，營造芷珊撐自己友的場面。
我講事實啫！今年台慶獎屬「最佳主持」大熱的芷珊，日前為頒獎禮試珠寶及找來設計師Kev訂造晚裝，迎接攞獎。
提早續約本週一（十二月十日）中午，等攞獎的芷珊，到去年幫胡杏兒設計視后戰衣的Kev鋪頭試身，由於當晚要戴上價值千萬的鑽石頸鏈，芷珊集中揀選低胸露事業線晚裝，但試完三套依然唔滿意，設計師Kev決定趕工，幫她度身訂做一件新晚裝。問到有傳被兩大高層阻止去商台開咪，芷珊說：「唔可以咁講，只係我責任上要同番樂小姐、Sandy傾呢件事，可以講係timing問題，所以先推咗唔做。公司對我好好，我未滿約，Sandy已經同我renew合約，仲講明我唔需要好似以前咁，出去跑娛樂新聞，專心喺司儀同主持崗位發展。」
成「最佳主持」大熱，芷珊不單有千萬首飾贊助，更有專人服侍。黎芷珊得霆鋒力撐，在她孭飛節目爆生腦瘤，全城嘩然，助她事業更上一層。
陳志雲入主商台後，愛搵TVB藝人做節目，其中邀黎耀祥客串聲演王牌劇「18樓C座」。黎芷珊多年來一直揸咪周圍跑做訪問，她亦從無怨言，敬業樂業等機會。
