【蒙麵瀛婚之舊愛發聲】鄭伊健結婚了，一直以為會有結果的幾段情始終都冇開花，可幸舊愛黎芷珊、邵美琪和梁詠琪（GiGi）無論在感情或事業上，都覓得好出路，眾人大方送上祝福，GiGi祝伊健白頭到老，芷珊擬送性感內衣給新娘蒙嘉慧（YoYo），昔日的愛恨情仇正式圓滿落幕。
【今日我至抽】伊健結婚，前女友梁詠琪送上祝福嘅同時順勢谷一谷自己嘅新歌，抽水抽得咁靚，相信伊健唔會介意啩
在無綫兒童節目《430穿梭機》年代與鄭伊健拍拖的黎芷珊，昨日得知舊愛結婚消息感愕然，在電話訪問中回應：「係咩？恭喜佢啦！使乜咁神秘呀！知佢唔會喺香港搞，貫徹佢低調作風。」芷珊坦言伊健未曾露口風：「喺東京註冊OK喎，佢咁鍾意日本，佢日本人嚟，好合理。」
嬲冇份去飲
是否等伊健結婚等了很久？芷珊說：「佢有自己分數，都大個仔嘞，行咗咁耐、咁穩定，都預咗佢神秘，佢性格唔鍾意鋪張。」送甚麼禮物？芷珊笑言：「唓！都冇請我飲，諗吓啦，送畀佢老婆啦，我習慣送性感睡衣，等佢哋快啲生仔，但佢又話唔想要細路，點算？」
當年奪麵雙琪主角之一的邵美琪雖曾獲伊健承諾養一世，但最終鄭太是蒙嘉慧，幸邵美琪搵到比她年輕9歲的好男友施祖男，更一度傳秘密結婚，記者昨日致電邵美琪，她只簡單回應：「祝福佢哋幸福快樂！」
乘機谷新歌
而與伊健苦戀多年的梁詠琪，前年下嫁西班牙籍老公Sergio，婚姻美滿，她昨日也向伊健送上祝福：「由心祝福，好戥佢哋開心，恭喜佢哋白頭到老！送我新歌《換約》畀佢哋，係講結婚嘅嘢，啱𠵱家用。」
From:
http://hk.apple.nextmedia.com/entertainment/art/20130130/18150687
