喺無綫做咗26年嘅黎芷珊，舊年憑《最佳男主角》紅咗，好多event爭住請佢做主持。近日《最佳女主角》又登場，好多宣傳要做，芷珊姐姐又開啟「自力更生系統」，冇話紅咗要請成班助手跟實。
早幾日，媽咪姐先撞到喺TVB放工嘅佢，做司機車個朋友去將軍澳，然後再去尖沙嘴，先還3大袋衫，同時再借3大袋衫，其間女店員請纓幫佢拎衫，芷珊姐姐都合晒手唔該，勁好禮貌，果然有教養！不過見佢一個女人仔騰嚟騰去，真係攰啲，希望快啲有護花使者出現啦。
着住4吋高跟鞋，孭兩袋，挽兩袋，再攞車，辛苦囉！
女店員喺落車位等芷珊，幫手拎衫，芷珊姐姐即刻合十感謝，無當自己係大明星。
呢頭還完衫，芷珊姐姐又喺counter攞咗3大袋新衫。
