【今日我至變】越變越靚嘅謝安琪成日被質疑變臉，前晚連林子祥都忍唔住寸佢樣貌唔同。
一連六場的「顧嘉煇大師經典演唱會2012」前晚在紅館演出尾場，邀得林子祥、謝安琪（Kay）、鄭少秋和仙杜拉等做表演嘉賓。阿Lam和Kay合唱《兩忘煙水裏》，兩人連續合作六場，阿Lam大讚煇哥：「下幾世都冇人做到佢嘅成就，做呢個騷令我更加忘記不到黃霑先生。」
Kay：好百變之後阿Lam介紹Kay出場，但甫見Kay即抵死說：「點解你個樣晚晚唔同？」由於Kay傳過變臉，Kay說：「係呀，係唔係好百變？」雖然覺得Kay樣貌晚晚變，但阿Lam笑言要錫她兩啖，之後又指尾場要錫多幾啖，最後他連錫四啖，令Kay直言好暈。
■林子祥最尾一場連錫安琪四啖。
■鄭少秋帶傷與女舞蹈員跳辣身舞。
壓軸的秋官與女舞蹈員跳辣身舞，事後他指跳舞吃力，舊患也因此復發，腳都全腫。而秋官的太太官晶華全程監場，但他否認太太是實他攬女。葉麗儀和陳潔靈合唱時就玩近日的僭建新聞，葉麗儀指陳潔靈高了不少，陳潔靈笑說：「僭建嘛，整完上面整下面，朝行晚拆，唔違法。」
