港台最近搵嚟幾位歌手，拍咗套叫《愛•無滋》嘅微電影去令觀眾對愛滋病有更深入了解。
劇中飾演援交女嘅吳若希就話對呢次演出勁有感覺：「喺我15、6歲嗰時，有個女同學都有做援交㗎，當時佢都有叫我一齊去，仲話食餐飯就已經有幾千蚊，而且個同學仲話最搏嘅時候，一個月可以搵到50萬。初時都有動搖，不過後嚟知道佢見醫生仲多過見屋企人之後就唔敢再諗。所以今次做援交女，可以容易入戲都係因為有佢呢個經歷咋！」好在吳若希話唔敢再諗，否則今日你未必會做歌手喇！
吳若希（右）同Super Girls嘅Aka一齊做援交女郎，貪威識食完全係港女縮影。劇入面講吳若希同媽咪柳影紅關係唔好至去做援交，結尾梗係大團圓結局啦！
有次陳柏宇整親搞到流血要去睇靚仔醫生林峯，仲因此俾洪卓立知道陳柏宇有愛滋病呢個秘密。
細細粒陳柏宇同白面仔洪卓立飾演gay couple其實都幾似，不過現實中大家都名草有主吖。
