■羅霖皮膚及身形保養得宜，失婚都冇有怕。
羅霖、周麗淇和陳浥萍等昨日出席金鐘舉行的護膚品午餐發佈會，羅霖早前公佈與富商老公劉坤銘離婚，她謂現正辦理離婚手續，雖然已年屆47歲，但羅霖皮膚仍保養得宜，她說：「我好注重護膚，女人唔可以懶，好多人都覺得我皮膚保持得好。」扮靚是否為迎接第二春？她說：「咁尖銳嘅？冇諗，睇緣份，順其自然，家專注工作同照顧三個仔。」談到吳綺莉突被商台炒魷，她說：「我同佢都係單親母親，炒人都要有一個月通知，畀時間人搵工。」
同場的陳浥萍透露會再開咖啡店，她說：「新嗰間會開喺舊店附近，仲會出自家品牌茶葉。」可有新戀情？她說：「都有人追但唔啱，想畀多啲時間照顧個女。」
