早排同女友熊黛林去馬爾代夫慶生嘅郭富城（城城），佢主演嘅新戲《寒戰》票房告捷，上周舉行晚宴慶功，心情當然大靚。對於女友拍性感月曆，佢讚到出面話：「佢係super model，影乜都靚。」難怪日前佢揸住駕GTR落街買咖啡，鬼咁風騷。
當晚佢同街坊打成一片，除咗有外籍少年想黐住佢架GTR博影相，仲有阿叔同佢講：「我都係姓郭！」佢即反問：「咁你乜嘢鄉下？」吹完一輪水，歎完杯咖啡後，城城就乖乖地返屋企。
城城一見街坊就打招呼，唔知係咪想學發哥咁親民。城城見到外籍少年勁讚自己架GTR，即刻笑晒！
現年四十七歲嘅城城，落街買咖啡都keep住靚造型！心情靚爆嘅城城，當晚慶功宴上即席拎現金抽獎。
明星都有唞氣時，城城就偷閒歎啡睇雜誌。
