年屆50歲的郭富城早排自爆戀淘寶嫩模方媛（Moka）後，外間反應似乎唔多睇好，搞到城城要密冚戀事，不過話曬今年係佢同新女過第一個聖誕，唔見當然講唔通，𠵱家忙緊喺上海拍攝《永不消逝的電波》嘅城城，就趁住呢個佳節，靜雞雞孖女友甜蜜拍拖。
【冧爆咀嘴】
同女友隔空咀嘴，城城副冧樣真係前所未見！
【豪放撩牙】
堂堂天王，但城城竟然唔介意喺女友面前撩牙，真性情盡現。
【包場睇戲】
城城包場陪Moka睇由陳柏霖主演嘅《萬萬沒想到》。
食飯睇戲直落
早幾日有內地傳媒影到城城同戴住口罩嘅Moka，喺一間餐廳食飯撐枱腳，最初兩個喺餐廳只係顧住睇電話，冇乜交流，不過好戲原來在後頭，食飽飯，城城竟然當住女友面前，毫無避忌擘大個口撩牙，之後仲要隔住空氣同女友嚟嗰煙韌咀嘴，城城呢個冧樣你見過未？真係隔住個mon都感受到佢好愛好愛Moka囉！
之後兩個人街頭漫步，城城仲主動出擊同女友嚟個十指緊扣。而兩個人食飽飽仲有下場，就係城城晨早book定戲院包場冧女友。喺戲院嗰陣，Moka同城城雖然冇乜親密動作，但Moka就全程小鳥依人咁依偎喺城城膊頭。睇完戲食埋糖水到凌晨3點，佢哋就返咗城城下榻嘅酒店宿一宵。兩個人對足10幾粒鐘，飽曬！
撰文：馮仁昭
馮仁昭
from:
http://hk.apple.nextmedia ... 151231/19432753
