■梁政珏被問起真空凸點時，竟然表現得好驚訝。
身材一向惹火嘅梁政珏，喺今年嘅無綫籌款節目《歡樂滿東華2012》中，將會着泳衣籌款，噚日佢就到尖沙嘴出席記者會，仲率先賣大包。
梁政珏身穿薄裙明顯凸點，當記者圍住佢做訪問時，佢竟然否認真空飛釘，記者話佢講大話，佢笑笑口先認：「係呀，做乜嘢呀？我唔係plan去咁做，因為今日好趕時間，同埋件衫戴唔到（bra）。」係咪一心搶鏡？佢唔認：「唔需要做啲咁嘅嘢。」
家燕姐取笑梓峰同場嘅鄧梓峰之前捲入車震事件，即場俾薛家燕取笑，建議佢喺節目中加個車震環節，鄧梓峰笑住話：「好，就搞一個愛心車震善款升，我要求女主角係家燕姐。」鄧梓峰話當日收到傳佢係車震主角嘅訊息，相當憤怒，好彩獲老婆同《衝上雲霄II》嘅演員安撫，佢話：「太太傳咗八個字畀我『笑話一則專心工作』，羅仲謙就笑我話算係正式加入娛樂圈喎。」
