亞視全台總動員到政總演爛騷後，除了令通訊事務管理局錄得破紀錄投訴後，上周平均收視又創「佳績」，依周一至五的節目收視，亞視錄得三次「0」收視數，而其他時段節目也只得1至2點，最高收視是《六點鐘新聞》得4點。
三個「0」收視嘅節目，《微播天下》、《國際財經視野》同《把酒當歌》都係「0」收視。今晚8點半《微播天下》播出嘅《維基解密》，會唔會冇人睇呢？如果收視多過「0」，即係王維基帶挈到收視升，亦足以證明魔童維基有魔力，咁更加要發牌俾佢嘅城電搞啦﹗
其實亞視都唔係首次零收視，兩年前《巾幗梟雄之義海豪情》播大結局，劇中尾段劉醒含笑老死在九妹肩上一幕，獲47點最高收視、即300萬觀眾淚眼捧場；同時段ATV播出嘅宗教節目《恩雨之聲》，輸到零收視。
無綫上周收視，《愛·回家》平均收視25點，跌2點；《名媛望族》平均收視28點，跌1點；《大太監》平均收視31點，無升跌；《走過烽火大地》平均收視24點，無升跌。
公佈收視6萬人次睇亞洲先生「UN」牛牛
話自己同無綫收視「四六開」，好可惜，呢個口號，噚晚都實現唔到。《ATV 2012亞洲先生競選》全晚只錄得2點收視，即係有12萬人次收看。而其中玩足半個鐘嘅「英雄鬥狂牛」環節，得1點，即係約有6萬人次同班亞洲先生un牛牛。
亞洲先生收視每況愈下，05年平均收視還有4點，去年停辦5年後捲土重來，平均收視亦只得3點(約19萬觀眾)，至今年情況更為慘烈。似乎亞視政總表達意見後，令自身更雪上加霜。
收視：亞生得2點金剛贏晒
去一星期電視收視出爐，亞視重點節目《2012亞洲先生競選》雖比上星期同時段節目多達一倍增長，但仍只有2點收視，「美男計」未見奏效。而無綫派由金剛主持的新節目《街坊廚神食四方》對撼，以28點壓倒性勝利。另外，無綫兩套劇《名緩望族》及《大太監》在過去一周未有接獲投訴。
