由王晶執導、全新人馬演出嘅《古惑仔：江湖新秩序》，快快趣開拍，眨吓眼拍完，秉承晶哥一貫做法。
日前一個深宵，幾位主角羅仲謙（飾演陳浩南）、梁烈唯（飾山雞）、沈震軒（飾𡃁坤）同伍允龍（飾大頭仔）齊集旺角拍攝追殺𡃁坤大場面。
不過呢晚，謙謙同唯唯已經算輕鬆，純粹追追逐逐。相反場戲講𡃁坤被追殺，見佢真係俾人追到喘晒氣，不過佢仍然相當落力，佢同伍允龍對打一場，真係要飛身兼仆*！咁搏為咩？似乎都係想做影壇新貴，同上緊位嘅謙謙一較高下啦！
沈震軒飾演嘅𡃁坤除咗造型突出外，佢俾伍允龍拉落垃圾堆㩒住打嗰幕，真係搏到盡㗎！沈震軒要由太子道、彌敦道走到去煙廠街，真係少啲氣力都肯定PK。
謙仔（圈頭）同梁烈唯收工後，仲走咗去食麵，梁烈唯仲對記者舉V，招積到呢！相反羅仲謙同梁烈唯係咁意跑吓即可收工，比沈震軒舒服好多咯。
