■Ellen的新大碟歌曲是她對生命的感受，透過新歌表達心中想法。
女子組合at17早前拆夥，成員盧凱彤與林二汶分開發展，二人都各見成績，盧凱彤單飛後更勇闖台灣市場，成績不俗。她在11月中會推出第二張個人大碟，大碟歌曲全是她去年的感受，眼見表姐英年早逝和黃耀明出櫃後遭遇而有感而發。
盧凱彤（Ellen）11月中推出第二張個人大碟，她今次特別把唱片獻給被癌病奪去生命的表姐，其中一首歌《你安安靜靜地躲起來》是寫出對表姐的感情，Ellen說：「表姐同我一樣只係26歲，真係好後生，佢生cancer過身，令我覺得好震撼；早幾個月我仲去美國探佢，當時佢出唔到街，我日日陪佢睇電視。」
嘆世界破碎大碟中另一首歌曲《誰》更因黃耀明有感而發，Ellen表示：「有次睇明哥表演，佢唱完《禁色》之後眼濕濕，我明白佢唔開心唔係因為私隱被曝光，而係好多人只着眼別人的私生活。其實呢個世界太破碎，希望大家思想要開放一點，首歌我想用嚟形容現階段嘅香港，大家都好想去掙脫好多嘢，例如土地俾人霸佔，地產、政府都搞到亂晒龍。」
■Ellen（右）與林二汶的組合at17已拆夥，二人發展各有成績。資料圖片
■Ellen其中一首新歌是為恩師黃耀明而作。資料圖片
望舉行巡唱其實Ellen除了歌手外也有其他身份，她間中會擔任歌星演唱會的結他手，早前她就為陳奕迅（Eason）個唱做結他手，跟Eason走了66場巡迴演唱，令她收入大增，荷包十分滿足，而Ellen更希望自己也能開巡迴演唱，她說：「做live騷最好，可以同觀眾互動，下年我就可完成心願，到時會帶埋自己隊Band去台灣同內地演出。」
