林二汶咀盧凱彤宣佈at17重組

1^# 大中小 young 發表於 2017-6-7 17:44 發短消息

相關主題: 盧凱彤

盧凱彤（左）前晚舉行尾場演唱會，邀林二汶任嘉賓，二人一見面即咀嘴（圖）。

盧凱彤（Ellen）在灣仔藝術中心舉行一連四場演唱會，前晚去到最後一場，昔日隊友林二汶擔任嘉賓，二人即場宣佈at17重組，今年底將舉行成軍15週年紀念演唱會。而另一位嘉賓是麥浚龍（Juno），不過Juno因要拍戲無法到場，事前拍片在現場播放，又隔空與盧凱彤對唱，繼而再播出林夕和周耀輝兩個填詞人的分享，以寫歌經歷勉勵盧凱彤，還有居於多倫多的盧凱彤哥哥PJ，兩兄妹用facebook直播對唱。

盧凱彤（左）、林二汶

盧凱彤以學生look彈結他打頭陣出場。

重提患躁鬱

盧凱彤表示唱歌彈結他是師承哥哥，學識後即參加歌唱比賽：「點知老師話，如果我唔入佢嘅chorus，就冇得入round2，好多人話娛樂圈係大染缸，其實早喺讀書時就有呢樣嘢發生。」繼而她感觸說：「機會嚟到又點？金曲歌、金像獎得獎又點？都係患上躁鬱症。」臨近尾聲，奏起at17的《三分鐘後》，林二汶出場，兩人合唱後即熱情擁抱再親嘴，林二汶說：「我第一場嚟睇，發覺Ellen講嘢都係唔叻，雖然佢話呢幾年單獨去行去闖，得到好多嘢又點呢？我想同Ellen講你唔孤單，因為我一直喺你身邊。」盧凱彤即感動地從後擁抱林二汶，林二汶續說：「我正式宣佈at17，10月正式合體，再開騷！」

at17於02年出道，翌年舉行小型演唱會獲陳奕迅支持。資料圖片

盧凱彤前晚與Juno隔空對唱。

拗撬更加勁

於演唱會結束後，盧凱彤接受訪問時說：「一個人孭4場騷好攰，真係夠曬皮，好彩中間有啲嘉賓錄片間場，畀我唞嚇。」她稍後會到台灣舉行6場巡迴演唱會，再出席台灣金曲獎頒獎禮後，便會返港全程投入準備at17的演唱會，她說：「𠵱家開始錄歌，再一齊嘅火花比以前更犀利，但都拗得更加勁，但一如以往，我哋有自己嘅方法去解決，只會更加有火花，今年係at17嘅15週年，加上又係2017年，所以想喺年底開騷。」

採訪：馬建華
攝影：仇志德
from:http://hk.apple.nextmedia ... 170606/20045460

廷伸閱讀/相關主題推介:

相關主題:盧凱彤

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2017-7-1 17:13 發短消息

林二汶好羨慕盧凱彤

林二汶表示自己認識盧凱彤的太太多年。

杜德偉、林二汶及陳柏宇昨日在銅鑼灣出席「暗中作樂2017聲演會」發佈會。二汶的at17隊友盧凱彤宣佈出櫃兼已婚，二汶表示早已得悉盧凱彤已婚，她說：「知佢結婚，我冇出席佢加拿大婚禮，好小型唔係大排筵席，只有佢屋企人。」二汶指大家好熟，不拘小節，所以沒送禮物，只送上祝福，二汶說：「佢太太陪佢經歷好多，好犀利好有能耐，佢哋係分開過，但覓得真愛，相處好sweet，我識咗佢太太好多年。」

陳柏宇亦有出席在銅鑼灣舉行的發佈會活動。

現年55歲的杜德偉，去年一索得男，現在兒子（Alex Junior）8個月大，Alex表示正努力再追多個，他說：「𠵱家好努力狂追，仔女都冇所謂，最好一嚟就兩個，可以收工。」

採訪、攝影：張俊銘
from:http://hk.apple.nextmedia ... 170630/20073348

TOP

3^# 大中小 young 發表於 2017-7-19 19:47 發短消息

林二汶4個月狂減60磅黑仔日日做Gym戒油鹽

減肥，除咗係每一位女性嘅共同事業，對好多人嚟講，仲係因為太肥影響健康。

好似林二汶咁，體重試過去到190磅，直至膝頭哥痛，先發現問題所在。上年演唱會前，佢每星期抽兩日去健身，戒食白飯轉食魚蛋米粉，用咗4個月減60磅，唔使再做肥妹。

黑仔姜皓文體重亦都試過有190，但佢成功搣甩大肚腩。佢嘅方法係，日日做運動兩個鐘，包括做GYM、跑步，另外進食都係重要一環，無論係烚蒸煮，佢都一定要冇油、冇糖、冇鹽。

運動代表就有發哥周潤發，平時大家行山見到佢，多數都係集郵，但比較少人知道，發哥仲會約埋星級教練跑山，輕輕嘅緩步跑，就已經練到發哥呢個身型。如果想平民啲，就可以睇住
轉咗行教瑜伽嘅Coffee林芊妤分享過嘅減肥9式，keep住做，用一個月就可以同肥肉講拜拜。（新聞連結：http://bit.ly/2t7yxQe）

少見啲嘅方法可以參考靚媽陳爽，佢早幾個月喺微博話試咗一個天然古法紮肚療程，兩個星期每日都要紮住個肚8至10個鍾，但係唔係所有人都合適，就要問下專業人士。

而台灣代表小S就出烹飪書，教人煮健康私房菜。佢最出名嘅戰績，係減十幾磅着番一條舊牛仔褲。佢嘅方法係，早餐要食有機五穀雜糧麵包，咖啡就要無糖。午餐、晚餐就少油炒菜、魚、肉同蛋，仲要將飯放最後食，避免進食過量澱粉質。
from:http://hk.apple.nextmedia ... 170719/20094703

TOP

4^# 大中小 young 發表於 2017-9-20 21:38 發短消息

at17不醉無歸賀加場

at17噚日拎香檳到商台，宣傳12月伊館演唱會，又宣佈加開22號一場，盧凱彤（Ellen右）笑住話：「以前唔夠歲數飲，𠵱家可以不醉無歸。」重組後佢哋發覺第一個問題係冇默契：「我哋夾唔到好齊講我哋係at17，同埋以前鬧交會拗到好激氣，𠵱家睇化咗，會接受對方嘅堅持，同埋明白點用自己方式收對方皮。」

撰文：馮仁昭
from:http://hk.apple.nextmedia ... 170920/20157972

TOP

5^# 大中小 young 發表於 2017-9-22 22:21 發短消息

at17 fb Live心嗰句Ellen結婚二汶：我係籮底橙

前晚at17合體現身《蘋果》fb live「今日ENT」，二汶和網友都很關心Ellen（右）的情緒病。

【今日ENT】識了17年、拆夥7年的at17，將於12月重組假伊館開騷，前晚盧凱彤（Ellen）和林二汶合體現身《蘋果》facebook live「今日ENT」，網友起哄點唱《始終一天》和《The Best is Yet to Come》，還問兩人會否在演唱會上勁歌熱舞？Ellen笑言會勁歌和少舞，更會表演吞劍和噴火；二汶就透露會請女新人做嘉賓，希望可以共享舞台，承接演唱會《Girls Girls Girls》主題。

Ellen彈結他接受網友點歌，唱出at17入行第一首歌《始終一天》。

二汶笑言要讓十磅肉給Ellen，希望隊友可以肥番些。

拆夥7年的at17於年尾假伊館開騷，Ellen笑言會表演吞劍噴火。

長期食藥

問到兩人重聚最想做甚麼？Ellen笑說：「食飯囉，想食啲貴嘢囉。」二汶解釋：「好珍惜大家一齊食嘢時間，以前你係唔會畀自己食嘢，如果你同我一齊，你咪有得食囉，我應承大家，一定會整到佢肥番。」

Ellen於3年前患了情緒病，網友留言關心她的情況，Ellen坦言：「我嘅躁鬱症呢，𠵱家情況係穩定嘅，我想話畀大家聽，躁鬱症係一個症，要長期食藥，每一日都有要面對嘅困難，我嘅解決方法，係有身邊愛我嘅人陪伴，我哋只需要有傾訴對象，令我哋知道並不孤單，同埋藥物真係幫助到，食藥平衡番分泌。」

暗戀對方

問到兩人有否曾鍾意對方？Ellen笑說：「我哋到𠵱家都係互相暗戀對方，無奈我已經結咗婚。」二汶反白眼笑說：「係囉！反咗十次眼，我𠵱家係籮底橙，你又結咗婚，咁點呢！」Ellen大笑：「哈哈！惟有將呢種愛擺喺心入面，你繼續捱啦。」

採訪：余燕儀、懷鈺
攝影：陳慧安
化妝：Micky Choy@such a good...（二汶）
Vanessa Wong（Ellen）
髮型：Derrick Ng@M R K Duty（二汶）
Cyrus Sit@Salon Amarone（Ellen）
服裝提供：Sport b.
場地提供：All-in Burger& Bar
from:http://hk.apple.nextmedia ... 170922/20160126

TOP