盧凱彤（Ellen）兩年前患上躁鬱症，走出陰霾的她為了慶賀重生，前晚在九展舉行一場「ROCKMUI29 Live in HK」演唱會，其間播放《Excite Music》時台上降落一面鏡子，Ellen突然跪下，手上拿起一把電剃刀，在鏡前為自己剃頭。大病痊癒的Ellen完騷後透露明年1月會移居台灣，遠離煩囂。
節奏慢較適合
Ellen在粉絲和好友林二汶、林一峰、黃耀明和何韻詩等見證下「剃頭」，她摸一摸頭說道：「呢個騷前半段代表黑暗同枷鎖，後半段代表光明重生，自己呢兩年經過好多高低起跌，兩年前27歲，我寫咗一首遺作畀自己，諗番起自己好儍，我𠵱家好知足，發現自己好多嘢未做，我要帶住結他拯救地球，好多謝大家陪我經歷，分享我呢個喜悅，人生得兩個選擇，一係愛，一係恐懼，我好開心完成恐懼部份，大家可以同我經歷愛。」隨後Ellen就唱出患上躁鬱症時寫給自己的遺作《Twenty-Seven》和新歌《29歲的遺書》。
穿上白色大露背裙的Ellen露出身上的紋身。
Ellen未有邀請任何嘉賓，一個人享受台上的演出。
（左起）林一峰、林二汶和岑寧兒到現場支持好友的演出。
完騷後，Ellen被問到在台上剃頭一事，她說：「一個女rocker點都要剃一次，之前在乎人哋嘅眼光，啲人會覺得你好怪，尤其喺香港做女artist，躁鬱症痊癒之後，其實我就唔係好在乎別人嘅眼光，生命先係最重要。」
在演唱會入面有大型氣球在空中飄來飄去，連明哥都表現得十分興奮。
Ellen表示因為患病已三年沒有出碟，往後要努力做音樂，還要忙著搬家，她說：「嚟緊會多啲時間喺台灣住，一半時間台灣一半時間香港，已經喺嗰邊租咗屋，1月正式過台灣住。」被問到是否計劃在台灣買樓，她說：「因為香港層樓仲供緊，台灣節奏慢啲適合我，暫定去台灣住一、兩年。」另外，提到好友林嘉欣在金馬獎封后，成為金馬獎大滿貫，她拍手嚷著要嘉欣請吃飯。
採訪：盧妹
攝影：陳俊強
from:
http://hk.apple.nextmedia ... 151123/19383860
