出櫃後的阿詩到商台做訪問，吸引大批記者採訪。
何韻詩跟容祖兒密友關係維持多年，直至阿詩舊緋聞男友劉浩龍突然自爆跟祖兒拍拖，令阿詩跟祖兒密友關係告一段落。近日正當祖兒與師兄出埠預支蜜月時，阿詩突然在港出櫃，對於有關祖兒是否雙性戀問題，阿詩隱晦說：「好難答到呢個問題，我答唔到喇，我可以點答。」
在父母、好友兼同志見證下出櫃，何韻詩連日來都忙於上網分享心情，出櫃後首次現身見傳媒，雖然幾日來甚少入睡，但阿詩笑容比之前更燦爛，她表示失眠並非因壓力，而是情緒高漲。談到出櫃後的轉變，她說：「感覺好奇怪，家講嘢多咗空間，以前講嘢要有技巧避開某啲字眼，例如以前唔講男女朋友，家可以講女朋友。」她坦言有掙扎過是否公開，因為怕影響身邊人，她覺得今次不是出櫃，因為一直都默認，只欠一句說話。
祖兒與劉浩龍拍拖，惹來她雙性戀的疑雲。
【今日我至鬆】阿詩坦白認咗係同志，唔使再就住就住講嘢，真係好輕鬆呀！
同祖兒已冇聯絡正式表明性取向後，不少人都將焦點放在她與容祖兒的緋聞上，對於有討論區談論祖兒是雙性戀，問阿詩怎樣回應？她隱晦說：「好難答到呢個問題，我答唔到喇，我可以點答。」追問阿詩是否因為事實很難回答時？她急急說：「唔係，終有一日大家唔會覺得性傾向係好似奇珍異獸咁去驚訝。」她坦言跟祖兒已沒有聯絡，問到出櫃前有否考慮或知會舊愛一聲？阿詩猶豫說：「有去諗，考慮佢哋狀態，但冇辦法，因為我行出嚟講唔係爭取自己利益，係希望社會對同性戀議題做啲嘢。」
阿詩（右）與鄧九雲因合作舞台劇而成為密友。
未入行知性取向至於多年來傳過緋聞，阿詩強調大部份是假，追問她與鄧九雲、路嘉欣、魏如萱等那一段是真，阿詩說：「呢啲過咗去，唔逐一確認。」追問現時有沒有拍拖時，她則以太技巧性問題不答，又表示將來會否公開要視乎另一半意見。
阿詩透露早於入行前已認清自己性取向，多年來分別有男女的追求者，她說：「同以前講一樣，人唔係男就係女，呢刻令我有感覺係同性，但我唔排除之後會遇到異性一齊，好多結婚後男女都會鍾意同性。」談到好友容祖兒是否由鍾意同性變為異性，阿詩扮聽不到沒回應，最後講到祖兒與師兄去旅行，阿詩直認不知，也沒有時間去理會，因近日自己好忙。
另外，昨日有消息指阿詩認同志是因想和鄧九雲公開地愛，又指鄧九雲不時來港跟阿詩在貝沙灣同居，更被目睹拍拖到超市購物。
