喺《草蜢森巴大戰軟硬fans演唱會》入面最搶眼嘅唔係草蜢三子，係阿葛。事關佢完全唔孤寒，唱咁多場就脫足咁多場。因乜解究阿葛咁搏呢？
其實佢唔係搏，只不過想俾人睇吓佢努力減肥嘅成果啫。
話說年已46歲、5呎8吋高嘅阿葛，出道以嚟都係肥仔一名，佢有感自己「年事」已高，加上見到拍檔林海峰練到成身肌肉，於是的起心肝減肥。終於由舊年高峰期嘅185磅，減到依家嘅146磅，足足減走39磅肥肉。
所以佢計劃今年12月出書，分享自己嘅減肥血淚史喎。咦，媽咪姐到時都要搶番本先得。
對比番08年《林海峰是但噏求其大合唱》（左）肥到震，依家嘅阿葛真係fit到漏。
30號晚，Big 4四子都有去。咦，佢哋係撐場定踩場呀？阿葛減肉唔減猥瑣，睇吓佢隻手伸咗喺比堅尼靚女邊度。
阿葛攞咗fans條毛巾抹完汗，之後竟然又俾番fans。真係唔係幾衞生。
