《最佳男主角》雖然叫好叫座，但唔代表人人一定要賣你帳。話說芷珊一直為臨尾三集嘅嘉賓名單頭痕，於是狂碌人情卡，終於俾佢碌到郭富城返嚟，答應做嘉賓，連經理人小美都話冇問題。芷珊一於去馬，一手一腳搵場地，同無綫book埋導演。當一切準備就緒，芷珊喺臨拍攝前再打俾小美re-confirm，點知小美反口話：「我哋冇興趣拍呢啲嘢！」搞到芷珊大失預算。
歸根究底，郭富城係電訊盈科嘅代言人，電盈旗下有now寬頻電視，始終都係無綫嘅敵人，當然唔會為咗喺無綫出鏡半個鐘而得失米飯班主啦！小小超同黎芷珊，邊個得罪得起，天知地知小美知。
城城（左二）同陳豪（右一）都係電訊盈科代言人，兩方衡量，有腦嘅，都知邊個碼頭大啦。小美反面一口推莊，絕情過絕情谷谷主。
