一向做開女模的傅嘉莉（Kelly），最近忽然殺入電視台做新小花，女模轉型，只因她跟劉青雲拍電影《追兇》時，劉影帝一句：「想練演技，一定要拍劇。」
入大台頭炮便是孖住吳卓羲拍《衝上雲霄2》，索女遇上溝女王，自然會傳緋聞，不過傅嘉莉一句：「靚仔我見得太多！」羲哥都係轉移目標算啦！
雖然出身模界，但傅嘉莉拒絕一世做花瓶，現時27歲的Kelly毅然加入TVB博轉型。「有次casting見到梁家樹（戲劇部總監），佢問我有冇興趣入無綫拍劇，我覺得如果仲要行落去，拍劇係一個好好嘅機會去練演技，而且劉青雲之前同我講，話如果想練好演技，一定要拍劇，咁我咪試吓囉！」
Profile：
年齡：27
身高：170cm
三圍：34、24、34
最愛韓星：李孝利
最愛電影：《無間道》
緋聞唔怕傳
在《衝2》與吳卓羲有感情線，羲哥一向溝女有一手，遇見新小花，好難唔出事，不過現在冇拍拖嘅傅嘉莉就斬釘話：「之前去三亞拍劇，我要着比堅尼，拍到成身沙，佢（吳卓羲）好心幫我整走佢，點知咁都傳緋聞，但我唔會因為怕傳緋聞而同任何人有距離，都係做嘢啫。同埋之前拍電影同過好多靚仔合作，靚仔我見得太多。」咁羲哥靚唔靚仔先？
雖然Kelly同吳卓羲唔過電，但卓羲都有教Kelly做戲，更叫佢改懶音。早前三亞拍外景時，Kelly身上有沙，卓羲細心幫佢抹沙，鬼咁殷勤！
