本周一（15日），台慶劇《名媛望族》眾演員到中環宣傳，無女不歡嘅吳卓羲，攬住劇中拍檔朱晨麗跳舞時，全程俾足電、含情脈脈望住女方。
33歲嘅吳卓羲，攬住得24歲嘅朱晨麗跳舞，明顯嗒晒糖！不過佢個底花成咁，邊有人會吼。你睇，朱小姐笑得幾牽強！
之不過，朱晨麗話晒係港姐冠軍，智慧與美貌並重，當然唔會咁易中招，但就俾「唱K」個懶深情樣搞到忍唔到笑。講時講，「唱K」真係食得唔好嘥！上周拍《衝上雲霄II》時，攬住傅嘉莉拍談情戲，仲冧到當場抹嘴，唔知俾佢再錫欣宜又會唔會咁冧呢？
攬完抹嘴
上個禮拜，吳卓羲喺石澳同傅嘉莉拍擁抱戲。吳生拍嗰時已經偷笑，拍完仲抹埋口水，嘔！
