三十八歲名模周汶錡終於出嫁，同拍拖六年嘅法籍男友Julien Lepeu於九月二十九日拉埋天窗。一對新人遠赴法國南部香水古城格拉斯（Grasse）古堡舉行婚禮，新娘子細妹周麗淇做伴娘陪嫁，伍詠薇、歐陽妙芝同黃佩霞亦專登飛去法國飲喜酒。
婚禮中西合璧，新郎新娘依照中國傳統跪地斟茶俾長輩，周汶錡著上好友鄭兆良設計嘅火紅透視裙，雙手同頸都戴上大量金器，相當誇張，不過最誇張都係周麗淇，宣誓儀式上，聽見姐夫同家姐講：「I do，I pick the right woman！」喊得仲勁過新娘子，姊妹情深定對自己未有着落，一時感觸？應該乜都有啲！
飛去法國陪嫁，周麗淇唔介意幫家姐變阿四，上台祝福一對新人時，仲喊得勁過新娘子。
