佗住4個幾月B仔嘅周家蔚，唔似得一般大肚婆咁錫身，繼續接job搵銀，高踭鞋照着仲唔戒口，唔怪得洪天明咁擔心，喺大陸拍緊戲都不時撲返香港實個老婆啦！
前幾日媽咪姐見到周家蔚踩入瑪麗醫院，着住3吋高踭鞋嘅佢健步如飛，喺婦產科病房逗留咗半日。離開時佢同媽咪姐講有個好姊妹生咗BB，佢專登留低幫BB掃風。幫人係好事，不過老人家話大肚婆唔應該抱初生BB，佢喺醫院亦全程冇戴口罩，真係高度危險囉！
着高踭鞋
呢日周家蔚着住對3吋高踭鞋，帶住工人去瑪麗醫院，見佢行得好快，工人都追唔上，真係好牙煙。
飲凍嘢
孕婦忌食生冷嘢，飲凍嘢都唔好，但周家蔚走入便利店買凍嘢飲，又犯禁喎！
