邵美琪對感情事一向低調，前晚反常與男友施祖男一齊睇首映。
鄭伊健承諾明年迎娶蒙嘉慧，伊健舊愛邵美琪（Maggie）都唔執輸，前晚首度偕男友施祖男在圓方出席首映禮，大晒恩愛。一臉春風的Maggie被追問婚期，她即推波畀男友，笑言：「呢啲嘢問男仔啦！」
現年47歲的邵美琪與比她年輕九年的武打演員施祖男在08年拍《機動部隊—同袍》時撻着，一直少提感情事的Maggie，前晚突然轉玩高調，與施祖男結伴到圓方睇《閃亮人生》慈善首映禮，同場還有近日指絕食學生無禮的高志森與女友焦媛、張堅庭、Rosemary、曾國祥等嘉賓。
高志森（左）最近力撐國民教育，被網民狂插，未知身旁的張堅庭是否支持？
祝福伊健Maggie全程笑到四萬咁口，還大方與男友一齊接受訪問，Maggie說：「我帶定三包紙巾，聽聞好似《鐵達尼號》咁感人。」即被取笑可倚在男友肩膀上哭，她一臉甜笑說：「我借畀佢呀！」她點頭承認現在生活好開心，她說：「都係做正常人做嘅嘢。」Maggie與施祖男去年底曾傳婚訊，被追問婚期？她說：「唔好問我，呢啲嘢問男仔啦。」對於舊愛伊健爬頭結婚，她亦祝福他說：「恭喜晒。」
金燕玲前晚睇首映，未見密友蘇施黃同行。
儲老婆本施祖男承認與Maggie拍拖一年多，問到是否好難追求？他說：「溝通到，唔係追唔追問題，雖然拍《機》好耐，但當時只維持朋友關係，之後係timing到。」問幾時結婚？他說：「一步一步啦！我都想工作為先。」施祖男透露去年憑首部接演的法國電影《Urban Wolf》奪得在美國紐約頒發的The Weddy Awards「最佳個人演出獎」，最近又有機會到法國拍攝電影，被指Maggie好旺他，問是否積極儲老婆本？施祖男說：「樣樣都要錢，聽講樓價又貴咗，好多嘢要負擔。」
對旺夫一事，Maggie笑說：「唔係，我都想攞（獎），大家一齊努力啦！」她透露最近與無綫和王維基均有接洽，但以無綫為工作首選。
曾國祥不相信婚姻，寧願將結婚、生仔重任交予弟弟曾國猷。
此外，曾國祥透露弟弟曾國猷將於本月底結婚，他笑言可將生仔結婚重任交畀弟弟：「一早同阿爸講咗唔好靠我，雖然我有一位拍拖十幾年、任職時裝嘅圈外女友，但我唔相信婚姻，大家亦有共識，寧願領養。」
