邵美琪掃二千蚊頭飾邵美琪扮靚箍男友

邵美琪同男友施祖男上週三(12日)晚出席《吸血新世紀4 破曉傳奇下集》首映禮時，大方拖手出現。見到佢咁公開，出年3月結婚應該係真啦！點知一講到呢個問題，施祖k即刻否認，繼而邵美琪仲搞笑咁講家興女仔向男仔求婚，所以要等佢賺多錢，夠錢先同男友求婚。


講就咁講，如果冇錢邵美琪又點會捨得買個二千幾元Alexandre Zouari Paris頭箍！上週五(14日)，少有shopping邵美琪單拖ifc行街，原本以為佢買定聖誕禮物俾男友，點不知原來佢專登落買頭箍。呢個牌子頭箍最平都要一千元個，而佢揀親個個都成二千元。女人肯捨得落本都為靚俾自己男朋友睇。