短裙踢拖
《大坑→北角》
27歲嘅Naomi（馮鎵瀠）身邊不乏異性出現，同李思捷傳緋聞之餘，前日下晝三點幾又見到佢同另一條新仔現身大坑一間茶餐廳，男嘅叫咗一杯凍奶茶，女嘅就要咗杯凍檸樂。
講唔停口
靚車接送
佢哋喺餐廳窗口位打對面坐，期間只有Naomi講冇個男仔講，講足半個鐘夠晒長氣。四點幾佢哋埋單走人，着住鬆身連身裙攞住個公仔袋嘅Naomi跟個男仔去攞車，上咗男仔架價值71萬左右嘅黃色保時捷Boxster，直駛去北角方向，Naomi繼續發揮佢吹水本領，架車開咁耐佢講足咁耐。當架保時捷去到渣華道嘅時候，就見到個男仔不停望後鏡似乎發現有人跟縱，冇耐就見到Naomi喺燈位跳車逃亡，唔使一分鐘就唔見咗人，而架車亦絕塵而去。
