仙樂都、Naomi、DONUT成員Elise同Elke、AD2嘅Aily同Amy等，前晚喺尖沙嘴出席比堅尼女神大賽，現場5位參賽者着比堅尼鬥一番，但擺明唔及嘉賓性感搶鏡。仙樂都唔只谷胸，佢仲同Naomi齊齊露底，Aily同Amy就着低胸裝拋36F同34E巨胸，絕對博過參賽者。
仙樂都雖然只係嘉賓，但同Naomi齊齊露底，博過參賽者。何韻詩老竇（中）主動搵比堅尼女影合照。
何詩老竇勁興奮
何韻詩嘅老竇都有出席，佢好興奮咁主動同啲比堅尼女合照，唔知何太會唔會呷醋？Naomi自爆同地產男友分手，佢話：「輸咗畀個老女人，我樣靚身材正都輸，為咗男朋友我推job唔出寫真，好彩音音姐（邵音音）係咁鼓勵我。」同Naomi傳過緋聞嘅李思捷近日傳同陳雅倫撻着搞姊弟戀，Naomi話：「我見過佢哋，好襯，仲襯過佢同王宝宝。」
Naomi自爆啱啱甩拖，難怪性感博到盡啦。
Elise同Elke今年會扮護士出寫真，但唔算好性感，佢哋話：「性感由Ar Yu負責。」Ar Yu之前影Rubber Duck時露點走光，曾經話想死，Elise同Elke話：「佢好好多，女仔邊個想走光，但畀我哋一個警惕。」而仙樂都透露寫真全裸半裸都有，不過重要部位會遮：「啲男人係鍾意遮吓。」
from:
http://hk.apple.nextmedia.com/entertainment/art/20130613/18295040
