張敬軒的留言經常被河蟹，昨日更與亞視為敵，表明唔做亞視節目，抗爭到底。資料圖片
《娛圈反國教》亞視新聞時事評論節目《ATV焦點》前晚以「破壞派」形容反對國民教育人士，又稱學民思潮被利用作棋子，惹來公憤，張敬軒、杜汶澤齊來反抗亞視，森美更在電台節目中指言論似邪教灌輸，越睇越火滾！
自稱香港良心的亞視，前晚竟容許《ATV焦點》節目主持人，用「建設派」和「破壞派」角力來形容支持及反對國民教育人士，又稱學民思潮只是棋子。言論引來反感，張敬軒在instagram表示由即日起停止所有亞視通告，杜汶澤更以在亞視出身為恥。
阿澤在facebook發表多段言論，跪求有權人別傷害孩子，及至昨日五時許卻寫着：「你地（哋）唔洗（使）不停搵中間人打泥（嚟）同我講喇!我知喇！收倒（到）喇！你**！」或許已受到壓力。
森美昨日在電台節目《早霸王》中對於亞視節目《ATV焦點》，他說：「睇呢段片越睇越火滾，咁大個電視台，都唔中立，咁偏袒一個節目。」他直言已超越洗腦教育：「話佢哋洗腦係美化咗，簡直係荼毒緊香港人，將批判思考㩒到最低……我以前見過，係邪教活動，好恐怖！」
杜汶澤、彭浩翔和森美異口同聲狂轟亞視。
《今日我至谷》
薛凱琪前日開學日着黑衫撐反國民教育，噚日就換上白色低胸裙，谷盡絕無僅有嘅事業線簽約新公司。
杜汶澤爆粗鬧昨日繼續有不少娛樂圈中人聲援反國民教育，何韻詩、黃秋生、卓韻芝、阮小儀等穿上黑衫或在微博留言力撐，而莊思敏直斥河蟹比國民教育科更討厭。薛凱琪（Fiona）簽約太陽娛樂文化，昨日在中環四季酒店舉行周年大會，公佈簽約三年。嘉賓杜汶澤和彭浩翔異口同聲大罵亞視節目《ATV焦點》抹黑一班學生是破壞派，杜汶澤說：「93年入行，加入亞視一直都好驕傲，仲培養個彭浩翔，噚日睇咗段片，好驚囉，我覺得用乜嘢立場都好，唔好冤枉同抹黑班小朋友，好仆*。」
彭浩翔指小朋友有自己立場和決定，對亞視好失望。杜汶澤被問是否支持學民思潮時卻迴避問題，要由彭浩翔解圍。
低胸迫出兩吋事業線的Fiona被取笑開始事業心重，她笑說：「咁多年冇人問過我呢個問題，真係唔識答。」
