森美昨日在Ig貼自己坐輪椅相，自爆墮馬受傷。
森美昨日在Ig上載自己坐在輪椅照片，自揭前日不慎墮馬，他說：「昨天墮馬發生意外，脊骨受傷，要個多月康復，感恩沒觸及神經！更意外地發現醫院的紫衫很美！（但希望不用再穿）。」
記者昨日致電森美，他說：「冇事，我放得出嚟都冇事啦！因為我騎馬嗰陣唔小心自己跌咗落嚟，坐親，骨裂囉！咁就冇觸及啲神經線，所以唔係好痛，但係要長少少時間去康復，唔可以做劇烈嘅運動。下個星期做個箍，箍番個身，冇事。你聽我把聲都精神，不過行動冇咁自如啦！」雖然森美受傷，但他表示今日會如常在商台開咪做節目。說到之前阮兆祥撞車後座駕爆炸焚燬，現在輪到他墮馬，商台人似乎要拜神，他說：「又係喎，真係冇諗過。」
採訪：魯吉
from:
http://hk.apple.nextmedia ... 161031/19817649
