森美爆老婆推廣告

森美噚日同麥玲玲喺銅鑼灣出席健康產品直銷中心開幕，對於有週刊指森美有次行街遇粉絲要求合照而撇低老婆，佢話：「我老婆推開我就有，佢一向都好低調，亦唔想兩個仔女曝光，有啲人問同太太、小朋友一齊拍廣告，佢都唔制；最近有個工作係同小朋友一齊拍，我都知佢唔想同小朋友一齊做，反而小朋友就話好想拍，所以我哋到𠵱家都仲傾緊。」

撰文：馮仁昭

馮仁昭
from:http://hk.apple.nextmedia ... 150803/19240927

前晚商台喺會展搞咗個《騎騎騎大會串》，成班電台DJ林海峰、葛民輝、少爺占、當奴、小儀同森美等人，輪住上台搞爛gag搞笑。

不過，森美昨早返電台做節目《早霸王》講咗兩件事其實都幾好笑，仲可以順便做埋教材添！連森美仲話佢本來想喺噚晚個騷講，但因為唔夠時間所以冇講到。

森美話兩件事都係發生喺飛機上，兩個主角一個係玉女歌手，一個就係天王。先講玉女歌手先啦！森美話件事係玉女歌手有次坐飛機，空姐問佢晚餐想食啲乜，相信本來想同空姐講，佢係食素嘅玉女歌手，當時回答空姐嘅答案係：「Actually I am a vegetable!」玉女歌手突然變咗棵菜喎！空姐梗係驚驚啦！不過相信玉女歌手都係一時將vegetarian(素食者)講錯嘅啫！如果唔係就一定係想搞gag，話自己係一條「正菜」喇！

咁另一位天王又發生乜事呢？森美話呢件事係空姐朋友講畀佢知嘅，話說天王當日坐飛機想離開座位嘅時候，啱啱就畀空姐阻住咗去路喎！可能天王當時真係好急急啦！所以佢就好急急咁同空姐：「Excuse me！Can I pass away？(死亡)」好喇！我哋依家上番堂英文課先啦！其實天王下次再遇空姐阻路，佢可以話：「Excuse me！Can I pass？」又或者：「May I have a way please！」咁就可以㗎喇！
from:http://hk.apple.nextmedia ... 150804/19242694