《今日我至叔》霆鋒前晚着住風褸襯開衩短褲配波鞋，估唔到32歲人着到成個大叔咁肉酸。
中環舖王謝霆鋒前晚約咗老竇謝賢（四哥）、狄波拉同鬍鬚Kong一齊喺佢地頭、中環四季酒店食飯，大約9點幾，四哥同一個男性朋友先離開酒店，到夜晚10點左右，霆鋒同拉姑等人先至出嚟。
話晒都去五星級酒店吖，霆鋒就咁着住件風褸襯開叉短褲入去食飯，又真係隨意咗啲喎，坐擁市值近5億元樓舖嘅霆鋒話晒係舖王，同長輩去啲咁高貴嘅地方食飯，其實可以執番好少少囉！
霆鋒前晚同拉姑去四季酒店食飯，差啲唔記得俾阿媽上車。
四哥（左）前晚同霆鋒食飯後，急急腳揸車走先。
鬍鬚Kong前晚單拖開車離開。
拉姑坐順風車上周三係霆鋒32歲生日，問霆鋒係咪四哥同拉姑請佢食飯補祝生日？佢話：「普通食飯啫！」問佢兩個仔有冇送禮物畀佢？佢冇答就匆匆上車關門，但原來拉姑要坐霆鋒順風車，所以佢拍一拍車門，霆鋒先識叫司機開門畀媽咪上車，鬍鬚Kong就自己揸車離開。
