《今日我至標》
YoYo標尾會做到鄭太，俾方中信讚兩讚，笑到見牙唔見眼，仲以為佢中咗港姐架車㖭！
自44歲的鄭伊健在周一晚演唱會尾場的慶功宴上，宣佈明年迎娶37歲的女友蒙嘉慧（YoYo）後，YoYo昨日首度露面，在電視城開工，她透露伊健是在其8月3日生日前求婚成功，坦言當時過程驚多過喜，YoYo表示只計畫明年結婚，但未開始籌備婚禮，表明會一切從簡或玩即興。
蒙嘉慧和方中信昨日在無綫將軍澳電視城為劇集《仁心解碼2》開工，在教堂拍攝一場拆穿邪教案件戲份，YoYo對於男友鄭伊健在演唱會慶功宴上宣佈明年娶她，被追問入教堂會否好緊張？YoYo笑說：「我都唔知喺教堂㖭，邊個放今日探班？跣我呀！哈哈，唔緊張，又唔係第一次入呢個場景。」
即將結婚的YoYo與方中信在教堂取景，她強調不會緊張。
伊健在演唱會不停被兄弟催婚，終於他步錢嘉樂（左）後塵做老襯。資料圖片
擺酒可免則免YoYo謂沒有定明年哪一日結婚，更笑言結婚前兩小時聯絡任婚姻監禮人的律師朋友到家中就可以，所以有可能玩即興。談到求婚，YoYo不肯透露過程，只說：「喺我生日前求婚，驚多過喜。」YoYo還指未有計劃度蜜月，不會穿婚紗，總之一切從簡，就連婚宴可免則免。是否與家人有共識？YoYo說：「冇講過，冇問過，但如果覺得要擺咪擺，最好唔好咁複雜，擺兩圍有幾難。」
然則擺酒是為家中的前輩？YoYo笑說：「我婆婆同媽咪陸續走咗，淨得爸爸，我生日同佢講我結婚，點知爸爸冇反應，只係『哦』咗一聲，可能佢覺得我哋開心就得。」對於有報道指YoYo出口術分伊健身家，YoYo表示：「伊健都答咗冇咁嘅事，佢三隻貓好重要，我分到貓沙同照顧佢哋。」
方中信嗌鄭太同場的方中信就抵死地做出恭喜手勢，又叫YoYo做鄭太，YoYo甜笑說：「多謝！」方中信續說：「終於結婚，好開心，適婚年齡嫁得出好開心，遲啲就唔係幾好。」跟住又笑說：「出年預早通知大家，大家早啲到。」在旁的YoYo沒好氣說：「你嗰時又唔通知我。」方中信鬼馬地答：「我唔夠錢嘛，擺得兩圍就費事啦！」
