發新話題 Report thanks

姊妹決裂 薛凱琪簽Paco 趕絕鄭融

今年2月,本刊率先報道薛凱琪父親不幸患上心臟病。Fiona為籌醫藥費和養起兩頭住家,只好認錢唔認人,繼而宣布離開華納,轉投新公司吸金。有傳下月正式加盟黃柏高的太陽娛樂文化,主攻電影;而唱片合約直接轉到Paco擔任顧問的Neway,與好姊妹鄭融終於變同門。

其實,上年鄭融連經理人合約都簽給Neway,一心以為親生女好辦事,點知先嚟個關心妍、再多個死黨Fiona,大敵當前,好姊妹都冇情講!

鄭融07年簽約Neway星娛樂,算是公司的開荒牛,上年續約時係威係勢,仲宣布會舉行紅館演唱會,可惜公司拖字訣,關心妍更遲來先上岸,今年2月先入紅館。

姊妹決裂 薛凱琪簽Paco 趕絕鄭融圖片1姊妹決裂 薛凱琪簽Paco 趕絕鄭融圖片2
Fiona和鄭融好好感情,之前鄭融被唱片公司雪藏,Fiona私下教路搞好關係,可惜一山始終不能藏二虎。《蘋果日報》圖片

姊妹決裂 薛凱琪簽Paco 趕絕鄭融圖片3姊妹決裂 薛凱琪簽Paco 趕絕鄭融圖片4

Paco:「好快落實」

太陽娛樂文化投資的《低俗喜劇》開畫4日收七百萬,肯定過千萬,Fiona絕對是Paco福將。

如今Neway人事大變動,Paco的昔日戰友陸續在Neway返工,Paco即豪擲20萬,為Jade在韓國搵首改編歌〈失戀哲理〉(原唱白智英〈I Won't Love〉),再乘勢搵盧覓雪搞劇場版,仲話要幫Jade搞演唱會part 2;而即將報到的Fiona,據知袋穩600萬轉會費,會先拍3套電影,幫新公司省靚招牌,歌、影雙線,Paco同步進行。對此,Paco說︰「希望好快落實,之前已同Fiona合作咗2部(《懸紅》和《低俗喜劇》)成績都好好,(Fiona會順勢入Neway?)𠵱家好初步啫!」

鄭融上車喊
本月10日,在零宣傳之下出新碟的鄭融,只好靠自己,出席電台活動時全程拎住新碟人肉宣傳。知情人士說︰「阿融今年好努力,聽晒公司話減肥,又冇再扭計,不過唔好話紅館,新碟嘅宣傳真係少得驚人。嗰日活動完咗,阿融未上到保母車已經眼濕濕,覺得自己好委屈。」

其實6月初,Fiona已知道會離開華納,退休舅父Peter都出面幫佢搵公司,Paco是最佳選擇。知情人士說︰「阿融初初知道有機會跟阿Fi同公司都好開心,但家吓眼見公司資源去晒Fiona度,佢先識驚。」

陰盛陽衰?

Neway旗下分Neway Star(張智霖、胡杏兒和HotCha)和星娛樂。親生女只有鄭融、關心妍和HotCha;加埋Fiona,點只三個女人一個墟?

姊妹決裂 薛凱琪簽Paco 趕絕鄭融圖片5姊妹決裂 薛凱琪簽Paco 趕絕鄭融圖片6
鄭融
為安撫鄭融,唱片公司只在下月在九展舉行迷你音樂會,宣傳薄弱之下,鄭融拎埋新碟出席活動,真係有苦自己知。

關心妍
〈失戀哲理〉劇場版熱播,原來是Paco親自揀歌,據聞已下令唱片公司力谷,唔知Jade年尾會唔會靠呢首歌食糊?而11月亦會舉行演唱會part 2造勢。

姊妹決裂 薛凱琪簽Paco 趕絕鄭融圖片7
HotCha
三缺一,HotCha當然好難突圍。雖然Regen明年可以歸隊,但Neway內部人事已面目全非,不過Neway老闆娘諸葛紫岐對HotCha仍有期望,希望幫佢哋轉型,殺出新血路。

TOP

thanks