呢個世代，大肚婆佗仔講求潮、型、索！有啲星媽生完仲好似未生咁弗，認真誇張。不過凡事總有例外，啱啱宣布有喜三個月嘅周家蔚，就唔介意生完會唔會走樣，最緊要個B夠足磅。
上周四晚（9日），佢喺助手陪同下去澳門睇騷，為免舟車勞頓，佢就喺當地酒店stay一晚。翌日，媽咪姐喺酒店大堂同周家蔚撞到正，當時佢素顏，着住背心加legging，非常有肉到暈。過多兩日，見佢着住超sexy束衣出騷，嘩！更加逼爆！雖然洪太話佗B三個月，但觀乎佢嘅粗手臂、無敵胸、實力股同埋凸出嘅腹部，相信佢好有潛力生番個巨B呀。
肚仔凸凸
一般大肚婆三個月都未肚凸，但周家蔚個肚竟然大到咁！周家蔚同助手去買手信嗰陣鬼咁開心，梗係啦！又有得食吖嘛！
虎背熊腰
周家蔚着住嗰件背心裙咁貼，虎背熊腰立即現形，呢啲就係佢自稱日吃三碗飯嘅效果喇！
第二日下午2點幾離開酒店，陳奐仁即刻陪老婆去買手信呵番，算你識做啦！
媽咪姐見佢愈玩愈興起，玩咗幾個鐘都唔願走。唔知佢係咪手風麻麻，成晚換咗4部機，Prima就全程跟到實。玩到凌晨4點，陳奐仁開始煙駁煙，而老婆Prima就挨喺佢膊頭口擘擘、捽眼，十級眼瞓，真陰功。
