Jeana（何佩瑜）自與張栢芝細佬張柏文公開戀情後，二人愛得高調，而平日以寸嘴形象示人嘅Jeana亦變得小鳥依人。上周五（3日），柏文知道女友Jeana愛打碟，仲專登花咗五千幾蚊買兩張VIP門票，參加國際著名DJ Tiesto在W酒店舉行嘅Rave Party。二人在酒精落肚後，Jeana更拉埋張柏文暗角磨爆。
Jeana今年4月被發現素顏約會張柏文，當時她斬釘截鐵稱二人絕對無可能發展，但事隔一星期Jeana突然在微博大晒柏文送她的Miu Miu手袋，自爆二人火速撻着。
拍拖以來，柏文對女友Jeana非常體貼，知道女友鍾意打碟，上周五（3日）專登上網買了兩張價值二千七百元的門票，請女友去W酒店參加國際著名DJ Tiesto搞的Rave Party狂歡。
張栢芝去品牌活動，都可獲贈名牌手袋，早前她便出席台灣Miu Miu活動，Jeana隨時又多幾個靚袋用。台灣《蘋果日報》圖片
當晚二人大約十時抵達派對，在接待處攞門票後，柏文同Jeana先上位於酒店76樓VIP區嘅Pod Side Party，與一名打碟的朋友吹水。之後柏文即興叫友人俾Jeana試吓打碟，全程在後面𥄫到實。打碟半小時之後，柏文及Jeana亦熱身完畢，到酒店7樓會合其他友人。
初時二人和友人飲酒傾偈，沒多久，他們便走到舞池。Jeana在酒精落肚後勁high，跟住音樂起勢咁跳，但男友柏文似乎未及她投入，只默默地站在Jeana身旁。Jeana自high一輪後，發現冷落了男友，突然拉住柏文到暗角，熊抱他親熱。二人除攬抱外，更按捺不住旁若無人啜嘴加「搜身」，兩人的身軀癡纏扭動，非常high爆。
記者在旁偷影，柏文警覺性甚高，立刻放下Jeana，怒目注視記者，令記者知難而退。兩人玩到凌晨2時才走。
「Jeana好識冧柏文㗎，佢知自己個底花晒，所以唔介意柏文黐身。早排《一路向西》有一幕戲講Jeana要俾男主角揸胸，柏文全程監場，搞到Jeana分心，一個鏡頭拍足三日。Jeana自己亦會主動向柏文報告行蹤，有時見柏文跟住自己悶，佢又會主動錫吓男友，睇見眼寃。」知情者說。
落車充電
8月3日10時，張柏文揸住跑車和Jeana去派對，Jeana車都未落就擔住支煙，認真大癮。
本刊4月拍得Jeana同張柏文在銅鑼灣嘆咖啡，Jeana漫不經心成日玩電話，而張柏文就黐到實，仲不時周圍望，充當護花使者。
磨爆冧仔
Jeana三杯到肚，加上捽碟捽到㷫，與柏文又攬又錫。
入場後，Jeana率先捽碟，柏文乖乖在旁𥄫實，以免有仔埋身。
柏文不時在網上的「instagram」大晒他與Jeana的親熱照，似乎想向其他男人宣示主權。
成功行「家姐政策」
張柏文早前爛蒲愛玩，10年得家姐栢芝打本，在銅鑼灣開酒吧！
柏文為了冧Jeana亦不遺餘力。兩人二月拍拖，三月已經齊齊去曼谷拜佛，之後又去蘇梅島玩Full Moon Party，在派對上柏文更當眾向Jeana講「I love you！」成功冧女。
除了日常做跟得男友，柏文仲將家姐用過的手袋、飾物轉贈Jeana，無論陳年Miu Miu或是淫照出現過的卡地亞戒指，全部都成為了Jeana的囊中物。
同場加映
Jessica C.獵食
JC亦有出席該派對，她先睇中紅衫的黑人老外，可惜熱舞狂歡過後，對方飲大咗鬧事，見勢色唔對，JC惟有跳船。
JC隨即轉移目標，向印巴型男埋手，一輪攬啜之後，印巴型男帶埋撻着咗嘅JC離開，有冇下文？你話呢。《蘋果日報》圖片
蘇民峰飲到high
當晚，蘇民峰和一名男性友人同來。不過後來佢飲得多，飲到腳步浮浮、面紅紅，關二哥上身。
