《今日我至險》
黎諾懿將有咗三個月BB嘅周家蔚抱起，做埋啲咁危險嘅動作，大吉利是有乜冬瓜豆腐，相信洪金寶、洪天明嘅真功夫即刻出籠。
黎耀祥、鄭則士、黎諾懿與周家蔚等昨日在荃灣為《造王者》宣傳，剛宣佈懷孕的家蔚獲黎諾懿全程貼身保護，當一眾男演員孭起女演員合照時，諾懿就小心翼翼抱起家蔚，在扯大纜環節大家都提醒家蔚退後免生意外。
祥仔與鄭則士再次在《造王者》中拗手瓜鬥戲。
家蔚透露前晚與文頌嫻、姚樂怡等到佘詩曼家聚會，並品嚐佘媽媽的住家菜，自爆吃了三碗飯，她直認BB大得很快。問有否關心阿佘的新戀情？她說：「我哋八咗冇呀，大家都有鼓勵佢快啲拍拖。」她透露已有奶粉、尿片及臍帶血庫贊助，預產期明年2月5日。另外，《反轉三周1/2》被發現抄美日節目，祥仔認為無論抄襲或巧合也好，最重要加入本土文化。
