忙於拍劇的陳法拉，要兼顧宣傳新碟。
陳法拉昨日到中環HMV為處女專輯《Beautiful Life》宣傳，有近30名粉絲支持，眾人更送上花及蛋糕賀法拉新碟成為HMV流行榜的首位，為法拉打了支強心針。法拉開心表示新碟幾好賣：「有啲舖頭都斷貨，估唔到反應咁好，我係演員身份要更加努力，有海外粉絲都訂購，第一批印咗幾千，會再加印。」
對於老闆何哲圖指她出完一張碟後專心拍劇，暗示她只會出一隻碟，法拉強調與老闆沒意見不合：「我只負責唱好啲歌，合約仲有個幾兩個月，下年係點交番畀TVB傾，家拍緊《衝上雲霄II》，時間好忙希望兼顧到，會好好宣傳隻碟先，因為係心血。」對於《衝II》的胡杏兒和馬國明傳緋聞，法拉表示不知情。
