媽咪姐早前去東莞搵朋友，撞正有樓盤發布會，咁咪跟埋朋友去見識吓囉。發布會製作尚算龐大，仲請咗羅嘉良做表演嘉賓。
當日唔少男女老幼，特登為咗睇羅嘉良而去呢個樓盤show，等咗大半日先至等到佢出現。而羅嘉良都好識做，本來大會事前只係要求佢唱兩首歌，但眼見啲fans咁熱情，嘉良不但唱夠五首，唱唱吓仲走埋落台，不停同fans握手、影相，到啲fans不知幾開心。
據知今次活動，大會俾近六位數字人仔（人民幣）請羅嘉良出場。難怪佢喺上海拍緊劇都特登飛嚟東莞登台啦。
當日樓盤發布會座無虛席，大部分人都係慕名想睇羅嘉良演出。
羅嘉良一唱歌，成班fans湧上台前一睹佢風采
嘉良見fans咁熱情，即時行落台同佢哋一一握手，親民又襟撈。
