Aka（趙慧珊）是5人跳舞女子組合SuperGirls隊長，做過model，又曾是有線娛樂新聞台主播，因外形清純無雜質，被唱片公司星煥國際發掘做埋歌手，主播變明星，Aka話純粹係緣分。
Aka幾年前成為Jamcast模特兒，08年看到有線舉辦的「主播大招募」海報便毅然報名，Aka說：「我想做啲同觀眾有互動嘅嘢，當時我已拍過廣告同代唱。」
話說有日Aka跟4個model吃飯，巧遇星煥揸弗人Herman（何哲圖），改變了幾個人的命運：「嗰日我哋排完舞喺旺角家樂商場食飯，我哋冇化妝又亂糟糟成個乞兒咁，原來Herman就坐喺隔籬枱，佢叫個男仔過嚟話想搵隊跳舞組合，覺得我哋好適合，就係咁我哋成為SuperGirls。」
身為跳舞組合SuperGirls隊長，Aka話好多問題要處理，包括隊員的心理問題。
隊長責任大
身為隊長，Aka自覺責任好大，成立初期有好多磨擦：「開頭會互相猜忌，直至3個月前大家出嚟互數對方，有人甚至話好唔鍾意我，但講出嚟之後反而感情好咗，家我哋5個好好朋友，好close！」做得隊長更要調整隊員出場前的心理：「因我做過主播，佢哋會放心將問題交畀我，我都要成熟啲囉！」
Aka（趙慧珊）
年齡：23歲
身高：174cm
三圍：31、24、35
