《今日我至暑》
平時着慣件「二零一衫」道士袍嘅張繼聰，前日大熱天時笠住件恐龍衣，唔中暑都算叻。
張繼聰前日在尖沙嘴街頭穿上厚厚戲服，以公仔龍造型拍攝新劇，在烈日當空下，阿聰已被焗到不停標汗，全身濕透，加上又要被小朋友打至倒地，真是有苦自己知，阿聰表示感到手指已皺皮，今勻真係熱到底褲都濕埋！
張繼聰、郭晉安、萬綺雯、王菀之、胡楓及羅蘭前日在尖沙嘴拍攝無綫新劇《老表，你好嘢》，當日氣溫高達攝氏32度，阿聰穿上厚厚戲服打扮成公仔龍，焗得渾身是汗，連底褲都濕埋，加上劇情講他被一名小朋友打至倒地，認真慘情。其助手不停為他抹汗，阿聰表示在短短三小時內，雖然喝了三樽水，但不用去洗手間。有途人見他敬業態度，不禁大叫：「張繼聰，你好靚仔！」為他打氣。
萬綺雯、胡楓及安仔等冒炎熱天氣在街頭拍新劇《老表，你好嘢》。
王菀之（左）和羅蘭前日在尖沙嘴街頭拍攝賣旗場口。
張繼聰扮恐龍熱到想嘔白泡，還要被細路打，安仔竟然睇到笑。
手指皺皮險中暑阿聰指劇本寫得很好，有這樣的衫才有這樣的效果：「安仔為咗試驗我對王菀之係咪真心，要我着呢件衫去賣旗。」問到會否中暑，阿聰苦笑說：「我feel到入面手指係皺晒皮。」至於安仔與多位新對手合作，他讚不絕口說：「阿聰同菀之好似做咗好耐戲。」萬綺雯透露已開工數星期，很習慣拍攝工作：「放食飯咪跟人尾行，喺電視城都識去餐廳。」
對於有家長上街遊行反對國民教育科，安仔兒子郭令山還有兩年就升讀小一，他坦言教育對新一代好重要：「係咪有必要咁急推出嚟呢？大家都睇到點解突然之間有國民教育，入面嘅嘢唔可以好平均將事實講出嚟，好似單方面為咗將整個思維投向一個國家。」
安仔斥洗腦教育安仔稱香港人有獨立思想自由，他說：「就算出國民教育都應該將所有事實好客觀地分析講番畀下一代聽，例如日本將盧溝橋事變扭轉咗，日本人冇嘢，唔等於香港人係咁。」
育有一子的張繼聰，則謂本已不贊成香港教育制度，故兒子就讀國際學校，他認為若社會和平，家庭和睦，小朋友自然友愛。
