年度書展，早已成為圈中人搵銀勝地，感性私隱意淫乜都有，各出奇謀。DJ余宜發今年書展亦插一腳，為求谷書，爆女星閨中房事；令陳芷菁和袁詠儀（靚靚），無辜成為嫌疑當事者。
扮AV女郎
損人利己的商台DJ余宜發，主力負責主持深宵音樂節目，間或亦有為無綫主持電視節目。
「佢同過氣港姐梁佩瑚係好朋友，今年佩瑚搵佢合作寫書，題材係探討兩性關係；內容唔算好大膽，但發仔唔知乜嘢原因，爆咗個女星嘅性生活。」知情人士說。
在新書中，余宜發聲稱有女星跟他飲下午茶訴苦，自爆與丈夫性生活不協調，女星丈夫性需索極大，幾乎晚晚要，即使女星極度疲勞，仍要勉強自己應酬丈夫。當事人最難受的是丈夫沉迷睇AV，逼老婆模仿AV女郎姿勢行房。「聽聞嗰段對話係女星同丈夫結婚冇耐講嘅，當時仲未生細路。」知情人說。
入行多年的余宜發，名氣雖然不比同行的森美阮小儀，但因個性隨和，加上口密，不少圈中女星都視他如知己；為此，與他份屬好友，已婚的陳芷菁和袁詠儀，便慘成今次被爆房事的嫌疑受害者。
早於加拿大求學年代，余宜發和陳芷菁已相識，返港後加入無綫成為同事，兩人亦不時有合作機會。
當年楊采妮和袁詠儀往海外探訪貧民，余宜發亦是探訪隊一員，早前楊采妮還特別將三人合照放上余宜發的微博。
陳芷菁和任職律師的老公張錦華結婚多年，育有一女。早前老公被發現幫襯「邪骨」場。
靚靚和老公Chilam係出名恩愛夫婦，拍住上出席活動，晒恩愛兼搵真銀。
○四年Chilam跟曾志偉到泰國拍戲，竟然被發現與志偉齊齊去金魚缸睇女，更被指曾召妓，要靠志偉幫口澄清。
轉型做才女的過氣梁佩瑚，今次夥拍余宜發出書，齊齊講性事。
據了解，余宜發和陳芷菁早在加拿大讀書時已經認識，並曾在當地電台共事，當時陳芷菁尚未選港姐入娛樂圈，兩人相交多年，無所不談。
早前陳芷菁在微博留言生活不幸福，對婚姻失望，加上老公多次被傳媒拍得出入按摩院，雖然陳芷菁向外宣稱深愛丈夫亦信任對方，但婚變傳言仍甚囂塵上。
至於袁詠儀，是早年與好姊妹楊采妮一起參加海外探訪活動，余宜發亦有同行，自此結成好友。
「佢哋三個好夾，雖然近年少見咗，但都會喺微博互相關注。」
記者就書中內容向余宜發查詢，他慌張說：「我冇心要爆料，本書內容講兩性關係，撞啱我聽過咁嘅case。」余宜發堅拒透露女星身份，亦不願多回應，速速收線。
