陳芷菁昨日返電視城錄影節目，對於被指曾遭魔術鹹豬手抽水，芷菁否認說：「以我性格一定會出聲，家女性要識保護自己。我覺得影響最大、最無辜係班男同事。有好多被暗示嘅人係我朋友，好似陳豪咁，佢係個好到冇得頂嘅人，馬國明、馬德鐘都好好，同我合作嘅男同事都好好、好錫我。」
記者問蔡子健又如何時，芷菁說：「合作唔多，平時對我都OK 。」問蔡子健是否喜歡在她面前玩魔術時，芷菁表示未有見過，她續說：「有時幾可悲，啲人唔理我係咪受害者，問我係咪feel 錯咗。唔好侮辱女性，家女人好有智慧。識得分乜嘢係唔小心，乜嘢係非禮。」
芷菁認為苑仔應將鹹豬手身份公開，免影響其他男同事前途，又指丈夫十分清楚整件事，相信公司也會保護旗下藝人。芷菁又說：「如果呢個人（鹹豬手）有呢種病態就應該睇醫生。」
如果您喜歡這篇文章，請按「讚」或分享給您的朋友，以示鼓勵。
