蕭正楠喺下體貼上「大太監」為TVB宣傳，果然夠忠心。
胡杏兒、馬國明、洪天明同陳法拉等前晚喺電視城錄影無綫《玩轉三周1/2》，成班藝員扮鬼扮馬，曾志偉反串扮潘金蓮，扮西門慶嘅錢嘉樂即話嘔。馬國明就被安排同舊愛胡定欣及傳過緋聞嘅曾華倩同場演出。
法拉輕易做出高難度動作，但天明就叉錯腳跌到雙腳朝天。
杏兒俾郭晉安拉到露出底褲邊，認真尷尬。
曾志偉呢個嘔爆造型，真係令人嘆為觀止。
杏兒仲要爬上斜台最高位射籃，林子善爆笑話：「黃宗澤喺上邊攬女呀。」結果杏兒嗱嗱聲爬上去仲入埋籃，睇怕黃宗澤想偷食都唔容易。
