上星期五（七月六日），無綫新劇《戀愛季節》喺將軍澳電視城舉行開鏡儀式，寃家路窄，被指對前度馬國明未死心嘅胡定欣，同劇再合作。
「中間人」胡杏兒走咗位，令胡定欣有機會同馬國明排排企。
神女有心，但馬國明處處避忌，全程只係肯同啱啱攞咗內地華鼎獎視后嘅胡杏兒黐埋合照，同前度胡定欣就有咁遠企咁遠，即使係大合照，二人中間都有胡視后隔一隔。
點知高層樂易玲忽然蒲頭獻花賀胡杏兒，「中間人」走咗位，馬國明變成企响胡定欣隔籬，避無可避，天意呀！
全程同胡定欣保持距離嘅馬國明，只係肯同胡杏兒、樂易玲、吳卓羲黐實合照。
