被台灣IT界億萬男友飛甩，豪門夢碎的朱慧敏（Queenie）騎牛搵馬，搭上EO2的光頭Eddie（彭懷安），即使不時要在女友家中過夜，但Eddie仍有本事，吼準機會，外出「覓食」。
趁朱慧敏開劇日夜顛倒，Eddie連續幾個禮拜出動，並將長腿妹獵到手。
逢四晚出動
做唔成富貴人家少奶奶，三十出頭的朱慧敏換口味搭上男子組合EO2的光頭Eddie，盛女遇壯男，Eddie常到女友的清水灣寓所過夜，朱慧敏也樂於做跟得女友，經常在男友有份投資的茶餐廳打躉看鋪。
「今年茶餐廳喺旺角開分店，Queenie仲擺曬老闆娘款，喺鋪頭教伙記做嘢。」知情人士說。
這陣子，朱慧敏忙於拍處境劇《愛•回家》，佔戲甚重的她幾乎逢週四、五由朝到晚，例必要留在電視城拍廠景；女友開工定時定候，讓Eddie有機可乘，逢週四出外偷食。
「佢好似返工咁，逢星期四晚就出現，有晚Eddie仲玩即食，個女仔同朱慧敏都有幾分似，兩個喺個場入面已經勁茄輪，當其他人冇到一樣。」
年初朱慧敏同Eddie撻著後，已火速發展至半同居關係。（《Face》圖片）
夜蒲後唔知係咪俾朱慧敏短訊追蹤，Eddie食女都要狂覆短訊。
玩到凌晨四點，見街上無乜人影，去停車場時二人更手拖手
當晚Eddie同新女轉場玩時，因場外人多，有顧忌的他刻意與新女保持距離。
拖住食麥記
一如蒲友所言，本刊記者果然在週四晚上，見到Eddie出動獵食。當晚Eddie與數友人夜遊中環，由ShakeShake玩到去Magnum，同行有一長髮女子，無論外形身形跟朱慧敏都頗似。「Eddie喺裡面同個女仔好菸韌，成晚又攬又錫。」
據瞭解，這名「A貨朱慧敏」叫Crush Chan，是模特兒。當晚Eddie與她在夜店玩到凌晨四時多離開，二人拖曬手行去攞車，往灣仔麥當勞食消夜；Crush全程繑實Eddie的手臂，其間Eddie不停睇手機短訊。食麥記都食成個鐘的Eddie，凌晨五時拖住新女登上他的坐駕，直駛往女方的華富邨寓所。
之後揸車送女返香港仔華富邨，都已經天光
蒲到半夜，Eddie都只係請A貨朱慧敏去「老麥」食消夜。
兩頭唔到岸
Eddie跟朱慧敏拍拖，對外雖然拒公開承認，但男方的朋友圈都見過「阿嫂」，關係公開；相反朱慧敏卻從未在朋友面前提起過Eddie。「佢冇介紹Eddie俾朋友識架，亦從來冇喺朋友面前認過，大家都知佢心頭高，同Eddie拍拖都係騎牛搵馬啫！」朱慧敏的身邊人說。
男友背住偷食，工作方面亦唔多順利，孭飛新劇《愛•回家》口碑收視都一般；偏偏她自恃在劇中孭飛，竟當正自己阿姐，甚至開口教其他演員做戲，成為商天娥之後另一難搞對手。「劇組放食飯，大家唔會約埋佢一齊食，佢咪買外賣自己搞掂囉。」劇組工作人員說。
朱慧敏事業漸見起色，在《愛•回家》更坐正做女主角
年初，本刊發現Eddie溝掂朱慧敏，女方更陪他睇鋪五粒鐘，但拍拖半年，男嘅就忍唔住偷食。
似朱慧敏的Crush，搔首扭籮，野性味濃
EO2幕前事業停滯不前，故Eddie近年入股「華星冰室」，開張時有陳奕迅撐場，又專注玩馬拉松。
Eddie背住正印朱慧敏偷食的新女Crush，外形氣質跟甫出道時的朱慧敏甚為相似，屬媚態萬千，扮演小三角色入型入格的類型。二人身材有得揮，但論事業，當model的小三Crush就輸曬。
