朱慧敏兩度探望Eddie傷手助箍煲

朱慧敏和彭懷安（Eddie）的關係，由夜蒲媾女開始，婚禮延期、出走美國，冷靜過後，Eddie降級做好朋友和好拍檔，但是日前Eddie失足拳頭落地，導致骨折入院動手術，Eddie住院一晚，身為知己好友的朱慧敏兩度探訪，昨日她第二度探望Eddie之後，先行離開，Eddie其後獨自出院，Eddie接受訪問時表示跟朱慧敏的感情穩定，二人有良好溝通，結婚再遲一年先，戲劇性的發展，真是估不到。

【模稜兩可】

朱慧敏昨早到醫院探望Eddie，對於復合之說不置可否，而其後Eddie出院時指結婚會推遲一年。

Eddie
Eddie感窩心

朱慧敏昨早8時半現身浸信會醫院探好友Eddie，有報導指二人因生仔問題終極分手，她說：「我哋從來都冇講過，總之都係好朋友、好知己嘅關係。」被問到是否復合，朱慧敏不置可否說：「感情嘅事好難講，我都答唔到你一陣會發生啲乜嘢事，係唔係先？」她更重申自己很喜歡小朋友，Eddie亦好鍾意小朋友，二人一向都有共識，她亦表示未聽過生BB會提高患癌機率。

當Eddie出院時，被問到意外詳情，他強調是小手術：「唔小心僕親，拳頭落地，所以有少少骨折，係小手術，落番條鋼筋。」對於朱慧敏兩度探望感覺窩心，並強調今次是意外，不是報導所講的分神整月餅受傷。

採訪、攝影：黃曉程

【急急走人】

朱慧敏未有陪Eddie出院，打的先行離開。

【孤獨出院】

Eddie（右）在醫院做了一個全身麻醉的小手術，由助手陪同出院。DV圖片
From:http://hk.apple.nextmedia ... 150718/19223388

朱慧敏同Eddie夫唱婦隨，一齊喺舖入面招呼熟客。DV圖片

因為男友彭懷安（Eddie）偷食而將感情降溫嘅朱慧敏，劇情發展認真峯迴路轉，一時話女方要出走冷靜，點知轉頭男方受傷，女方拿拿臨又走去醫院探病，但係嗰陣都係強調大家只係生意拍檔，點知轉個頭又預告中秋人月兩團圓。不過團圓就唔使等到中秋咁耐。

李逸朗都有同朋友去朱慧敏間舖開餐。DV圖片
短褲look出現

前晚喺西環嘅華星客棧，Eddie同朱慧敏就夫唱婦隨咁喺度睇舖，最初係Eddie一個人喺度打點，差唔多8點鐘，老闆娘朱慧敏短褲look咁出現，佢哋兩個輪流咁招呼啲熟客，冇耐仲見到大台同事，佢兩個分別都有行埋去傾幾句，睇見佢哋行出行入真係好忙。

隔咗一陣仲見到李逸朗同新城DJ杜浚斌，仲有其他朋友去開餐，Eddie同朱慧敏兩個索性坐埋一齊吹水，傾傾吓仲出咗去食煙，其間見到朱慧敏拎住電話行出嚟，講咗一大輪嘢，Eddie俾番個眼色，朱慧敏好滿意咁行返入舖。馮仁昭成晚睇到男方負責打點，女方負責奉客，老夫老妻咁有晒默契，如果唔係有偷食風波，真係冇人信佢哋感情有問題。

撰文：馮仁昭

馮仁昭
from:http://hk.apple.nextmedia ... 150820/19262304