朱慧敏和Eddie又傳分手，今次原因是朱慧敏拒絕生B，信不信由你。資料圖片
朱慧敏因男友彭懷安（Eddie）婚前偷食𡃁模，兩人醞釀情變纏繞多月，一時傳原諒一時傳分手，不停兜兜轉轉，昨日又有雜誌爆兩人為生仔問題起爭執，據知朱慧敏因有家族乳癌遺傳基因，懷孕會增加患病風險，並有機會遺傳給下一代，故她決定唔生BB，但身為長子的Eddie堅持傳宗接代，最終朱慧敏提出分手云云。
電影《男極探射燈》昨舉行開鏡拜神，Eddie因右手骨折入院缺席。
不過，Eddie回覆雜誌堅稱沒分手，會盡力維繫兩人感情，昨日本報向朱慧敏求證，她透過WhatsApp回覆：「我同Eddie溝通好和平，關係良好。感情事暫時冇回應，大家專心工作，一切隨緣，順應上天安排，謝謝大家關心。」
Eddie昨要到尖沙嘴出席電影《男極探射燈》開鏡拜神，不過卻臨時缺席，朱慧敏回覆：「佢做緊手術，要全身麻醉，我未知發生乜事。」Eddie的助手向本報表示：「之前佢做運動撞傷右手，睇咗跌打以為冇事，點知噚晚好痛，去醫院睇急症，今朝再去睇骨科，醫生話骨折要做手術鑲鋼釘。」
對於Eddie被傳失戀兼昨日做手術缺席開鏡，電影男主角李逸朗說：「佢同女友唔係話好番結婚咩，我之前話佢咁大個人要定性。」導演指落選港姐牛雜妹本是第二女主角，因檔期問題辭演，換上蔚雨芯頂替，李逸朗反問：「蔚雨芯係邊個？」
採訪、攝影：張俊銘
from:
http://hk.apple.nextmedia ... 150717/19222026
